Kilimo, Umwagiliaji na Ushirika

Idara ya Kilimo,Umwagiliaji na Ushirika ni miongoni mwa Idara zinazotoa huduma katika jamii. Idara inatoa ushauri wa mafunzo kuhusu Kilimo bora, Kilimo cha Umwagiliaji na Ushirika kwa lengo la kuiwezesha jamii kupata tija katika uzalishaji wa mazao ili kuhakikisha kila kaya inajitosheleza kwa chakula, inaongeza kipato hivyo kupunguza umaskini katika jamii. 

Eneo linalofaa kwa kilimo ni Km² 520 kati ya hizo eneo linalolimwa ni Km²   320 na eneo linalilofaa kwa umwagiliaji ni Ha 500 kati ya hizo Ha 60 tu ndiyo zinazomwagiliwa.

Zaidi ya asilimia 70 ya wakazi wa Halmashauri ya Mji wa Nzega hujishughulisha na kilimo na ufugaji. Mazao muhimu ya chakula ni pamoja na Mpunga, Mahindi, Viazi vitamu na  Mihogo. Hata hivyo mpunga huzalishwa kama zao la chakula na biashara. Mazao ya biashara ni Pamba Alizeti, korosho na Karanga.

Kilimo kinachangia 20% katika pato la Halimashauri ya Mji wa Nzega.

MUUNDO WA IDARA YA KILIMO UMWAGILAJI NA USHIRIKA

1. Mkuu wa Idara – Afisa Kilimo, Umwagiliaji na Ushirika Mji (TAICO) 

• Wasimamizi  wa Vitengo: (Subject Matter Specialists (SMS)):-
• Afisa Mazao
• Afisa Ugani
• Afisa lishe
• Mhandisi Kilimo 
• Afisa afya ya Mimea na mazao
•  Afisa mboga na matunda (Horticulture)
• Afisa Takwimu kilimo
• Afisa Pembejeo za kilimo
• Afisa zana za Kilimo (Agro-Mechanization)
• Afisa  ushirika
• Ngazi ya kata- Afisa Ugani Kilimo Kata (WAEO)
• Ngazi ya Kijiji – Afisa Ugani Kilimo Kijiji (VAEO)

MALENGO YA IDARA YA KILIMO UMWAGILAJI NA USHIRIKA 

Kuongeza uzalishaji na ubora wa mazao ya kilimo ili kuhakikisha usalama wa chakula na kuongeza kipato ngazi ya kaya Kuongeza mapato ya Halmashauri ya Mji wa Nzega kwa njia ya ushuru wa mazao.Kuchangia kuongeza  pato la taifa kupitia  biashara za ndani na za kimataifa za mazao ya Kilimo